Hindi maigagapos ng pinakamatibay na tanikala
ang mga bagwis nitong pagsinta,
Walang halimaw o serpyente
ang sa hiwaga'y gagambala,
Igugupo pananakop ng mga higad at linta
sa katawang inuupos ng kalungkutan.
Itutumba anomang balakid,
Hahadlangan lahat ng pasakit,
Walang tinik, sibat o espada
ang sa ating nga puso'y hihiwa
Dahil ang mga ito'y isinilid
'di sa kahong yari sa bato, adobe o ginto
kundi sa sisidlang pinanday ng pag-ibig.
February 14, 2011
