Maikakaila pa ba sa aking mga pananalita
at sa mga panambitan at gawang makulit
na ang mundong kasama ka ay…
Isang dakot ng mahiwagang alikabok
na nabubudburan ng mga talang kumikislap.
Ito’y kuta ng ating nagtutugmang diwa
kung saan ang mga paru paro’t rosas ay nagniniig.
Mga hibla ng ating magkaparis na ritmo
dito’y walang humpay na nagsasayawa’t nagtatali.
Kabuuan ito ng pira-pirasong pangarap at mithiin…
Isang kahong nangangalaga laban sa huwad,
nagtatangi sa puwersang humihila sa ating mga puso
patungo sa isa’t isa.
Oh natatangi nating mundo…
Kutang ‘di kailanman mapapasyalan ng sinoman.
Ating binuong paraiso kung saan ang Ikaw ay Ako.
Ako ay Ikaw…
at ang dalawa’y iisa
pasubalian man ng lohika.
March 1, 2011
No comments:
Post a Comment