Thursday, September 13, 2012

Lakbay sa Loob ng Bahay na Salamin

Isang lagusan ang pilit na pinasok
sa pagnanasang makilala itong imahe
na sa bawat pagliko’y laging namamasdan.
Sa dami ng sala-salabat na landasing ating tinatahak
ay nakalahad sa aking salisalimuot na daraanan
itong  ‘di rin mabilang na pagkakataong
nasasalubong siyang tiyak.
Sa bawat makinang na pader ay masisipat
parehong mukhang aking hanap
datapwat may mga mumunting kaibhan
sapagkat ang mga ipinintang dibuho’y
iba’t iba ang hugis, laki at kulay.
Ngunit ‘di maiwawaksi ang katotohanang
iisa ang mukhang may ngiti at luha
mula sa mga salaming aking sinisipat.
Mapanuri. Sang-ayon subalit tumutuya.
Lumilingon pabalik sa bansang aking tinanging
nagbigay ng lakas at mithiing kay sidhi
Sa paglabas sa bahay ng mga salamin,
tulad ng biyahe sa buhay nating babakasin
ay mapagtatantong ang bawat isa,
na may sanlaksang hugis , laki at kulay,
ay isang repleksyon ng kabuuan ng ating paglalakbay
at ng PINOY saan man sa mundo matangay
tungo sa ang tunay na AKO at ng tunay na IKAW.

*Ang tulang ito ay kalahok sa Saranngola Blog Awards 4 


7 comments:

bagotilyo said...

MAganda ang ideya ng tula.

Goodluck po sa iyong entry :)

POINTBLANK at ang Awtor said...

Maraming salamat sa pagbisita. Sapat na ang maibahagi ang mga salita...

Jessica said...

good luck! :D
galing.

POINTBLANK at ang Awtor said...

Maraming salamat... your comment is highly appreciated. La naman atang laban... hahaha!

Semidoppel said...

ang daming magagaling na bloggers ah, good luck po sa atin

RED said...

goodluck sa entry mo. mahusay.

Tiradauno said...

Gusto mo ba ng online work?
Earn while you enjoy time with your Family & Lovedones!
Email me: tirada_uno_23@yahoo.com / tiradauno@gmail.com / n.helphelphelp@gmail.com
For more details, kindly visit http://www.unemployedpinoys.com/