Naghahanapan. Nag-uunahan.
Limutin na, 'wag magturuan...
Pilit hahabulin, makikipagkarerahan,
Pasasaan ba't tayo'y magtatagpo rin.
Bawat liko sa daang nakaatang,
Lahat ng batong matatalisod,
Pati mga bako'y lalagpasan,
Hadlangan ma'y 'di patitinag,
Bara sa daa'y pilit hahawiin
makasagasa man.
Pumito, bumusina, kahit pulang ilaw pa
sa aki'y bumalandra,
Babaliin matitikas na batas,
Paluluhurin pati tagapag-atas,
Walang makapipigil
Makarating lamang sa tagpuan
ng mga pusong nangungulila...
Dito sa biyaheng ito
IKAW at AKo lang ang pasahero,
Kapit aking sinta
sapagkat dito'y bawal pumara!
February 13, 2011
No comments:
Post a Comment